|| ВЕСТИ И НАЈАВИ:

Канал 103 @ MySpace!

Канал 103 конечно се приклучи кон виртуелното кралство MySpace. Профилот на Канал 103 е отворен за сите слушатели на радиото што ги уживаат привилегиите на овој виртуелен простор и секако за младите музичари и артисти. На Myspace профилот на Канал 103 ќе можете да ги запознаете и музичките соработници на радиото коишто во најголем дел се постојано on-line! Повелете на http:/www.myspace.com/kanal103 на виртуелна дружба!
Постирано: 18 јули 2008

Петка, ново издание на Стотројка

Книгата „Петка“ (5) на Благоја Бошковски Буцко е првата книжевна објава на издавачката куќа „Стотројка“, која во својот каталог има два носача на звук (албумот "From Subway To My Way" на Пиколомини и синглот „Ако ми дадеш“ на Бадмингтонс). Втората книга на Благоја Бошковски Буцко, „Петка“, по неговиот експериментален роман „Наши приказни“ објавен во 2005 година, е мини збирка на пет подолги раскази во кои авторот се обидува да го најде местото на „малиот“ човек во „големата“ слика на денешницата. Расказите изобилуваат со брза и разиграна нарација и се движат од психолошки теми, преку антиутопистички погледи на светот до научна фантастика. Сепак, иако темите во приказните завлегуваат во сферата на надреалното и фантастичното, ситуациите и дијалозите преку кои се стигнува до поентата се денешни, познати, наши и реални.
Постирано: 16 јануари 2008

Aлбум на годината на Канал 103

1. LCD SOUNDSYSTEM: Sound Of Silver

2. !!!: Myth Takes
3. THURSTON MOORE: Trees Outside The Academy
4. RADIOHEAD: In Rainbows
5. COBBLESTONE JAZZ: 23 Seconds
6. EINSTURZENDE NEUBAUTEN: Alles Wieder Offen
7. PRINZHORN DANCE SCHOOL: Prinzhorn Dance School
8. GRINDERMAN: Grinderman
9. INTERPOL: Our Love To Admire
10. THE NATIONAL: Boxer
11. THE RAKES: Ten New Messages
12. A PLACE TO BURY STRANGERS: A Place To Bury Strangers
13. TRANS AM: Sex Change
14. JENS LEKMAN: Night Falls Over Kortedala
15. SHITDISCO: Kingdom Of Fear
16. BEASTIE BOYS: The Mix-Up
17. BLONDE REDHEAD: 23
=   ARCADE FIRE: Neon Bible
18. OF MONTREAL: Hissing Fauna, Are You the Destroyer?
19. WILCO: Sky Blue Sky
=   AIR: Pocket Symphony
20. PANDA BEAR: Person Pitch
Постирано: 15 јануари 2008

Канал 103 ги избра најдобрите МК албуми и синглови во 2007 година

2. THE JOHN: Interstellar Overdrive Of My Own
3. БАДМИНГТОНС: Ако ми дадеш
4. PIKOLOMINI: Amateur City
5. PIKOLOMINI: Future Perfect Tense
6. MOOGER FOOGER: Vintage Love
7. PMG KOLEKTIV: Сомнително лице
8. BERNAYS PROPAGANDA: Кога ќе ме снема
9. BEI THE FISH: Can I Really Help?
10. PMG KOLEKTIV: Еј!
 =  BEI THE FISH: Everybody Says
11. GEORGI ŠARESKI QUARTET: Zagreb
12. ДУШКО ЈАНЕВСКИ: Visions Of A Madman
13. САШКО КОСТОВ: Flowers In Blue
14. САШКО КОСТОВ: Losing MyMind
15. AUTMIND: Follow The Sun
 =  ДА ЏАКА НАКОТ: Темни улици
 Постирано: 6 јануари 2008

Предновогодишно радио пакетче на Здружената радио опозиција

Неодамна оформената „Здружена радио опозиција“ којашто ја сочинуваат (суб)културно ориентираните радио-станици Џез ФМ, Радио Равел и Канал 103 најавува заедничка предновогодишна програма во живо сочинета од живи настапи, интервјуа, специјални прилози, ексклузивни концертни снимки и годишни топ-листи. Заедничката програма, што ќе се емитува во исто време на сите три радио-фрекфенции (100.8 fm, 96 fm и 103 fm), ќе стартува во сабота, 29 декември, во 10 часот наутро, а ќе заврши во понеделник, 31 декември, во 22 часот. Ќе се слуша најразлична музика, грижливо избрана од страна на најдобрите ди-џеи на Здружената радио опозиција, испреплетена со специјални прилози, бројни интервјуа и разговори од студиото, како и неколку живи настапи (Бадмингтонс, Георги Шарески, Да Џака Накот и Легијата..), а ексклузивно за оваа прилика, првпат во етерот, ќе бидат емитувани ретки концертни снимки од неколку њујоршки настапи на Thurston Moore, Cat Power, Yo La Tengo и The X-ecutioners. Во рамките на овој интересен радио-проект ќе се случи и изборот на домашен албум и песна на годината, настан што традиционално, веќе неколку години го организира Музичкото радио - Канал 103.
Точниот тајминг на случувањата односно комплетната програмска шема на тридневниот предновогодишен радио пакет ќе биде обелоденет наскоро на брановите на Jazz FM, Радио Равел и Канал 103, членки на Здружената радио опозиција.
Постирано: 26 декември 2007

МАКЕДОНСКИ ВИКЕНД БР. 4

Стотројка организира уште еден, четврти во низата македонски викенди на 103-тата фрекфенција. На 1. и 2. декември (сабота и недела) на бранова должина 103FM ќе се емитува исклучиво македонска музика, проследена со разговори, интервјуа и дебати од студиото на разно-разни теми што го допираат современото домашно музичко творештво. Четвртото продолжение од македонскиот музички маратон на Канал 103 ќе кулминира со лајв-настапот на извонредниот македонски електронски артист ДУШКО ЈАНЕВСКИ (сабота, 21 часот) и со акустичниот перформанс на скопскиот инди-рок бенд THE JOHN (недела, 22 часот).
Постирано: 30 ноември 2007

ЦРНА КУТИЈА

Постирано: 30 ноември 2007

Bernays Propaganda + FxPxOx
во живо на Стотројка
Продолжува серијата радио-свирки на 103-тата фреквенција, овојпат со двојна програма: настапуваат FxPxOx и Bernays Propaganda, бендови предводени од Васко Атанасоски (екс Бумбикс и Тк.Ск.). Хероите на домашниот хардкор-панк звук FxPxOx, ексклузивно, за слушателите на Стотројка, ќе претстават дел од материјалот од својот најнов албумски проект, што наскоро ќе доживее и официјално издание. Имаат огромно концертно искуство и неколку европски турнеи зад себе. Bernays Propaganda, пак, се вистинско освежување и придобивка на македонската независна сцена. Ќе ги отсвират песните од нивното дебитантско EP, коешто ќе биде објавено на почетокот од декември. Концертите, според веќе установениот возен ред на Стотројка, ќе се одржат во недела (25 ноември), во 22 часот, во емисијата „Тажен и прекрасен свет“ на Ѓорѓи Јаневски.
Постирано: 24 ноември 2007

103 ЖУРКА @ ПАПАЈА

Постирано: 20 ноември 2007

„Ако ми дадеш“ на БАДМИНГТОНС - второ издание на Стотројка
Во продажба е синглот „Ако ми дадеш“ на пионерите на македон-скиот панк-рок звук БАДМИНГТОНС (Владимир Петровски - Картер, Борис Георгиев - Бут и Деан Шкартов - Деко). Овој компакт-диск, покрај насловната, содржи уште две песни („Убав ден“ и „Сите обични луѓе“) на легендарната тројка од осумдесеттите, искористени во филмот „Превртено“ на Игор Иванов - Изи, како и бонус видео-спот направен за водечката тема „Ако ми дадеш“. Ова е прво официјално издание на БАДМИНГТОНС, а втор издавачки потфат на Стотројка, по априлскиот деби албум "From Subway To My Way" на Пиколомини.
Постирано: 10 септември 2007

HIPHOPINDEPENDENCEDAY

Постирано: 03 септември 2007

Jeff Buckley Tribute

По повод тажната десетгодишнина од смртта на еден од најимпресивните и најмагични вокалисти, ком-позитори   и   гитаристи  на 20-от век, Jeff Buckley, човекот со ангелски, глас, кој беше „чиста капка во светскиот океан од звуци“, на 29-ти мај, вторник, од 16 до 19 часот, Музичкото радио - Канал 103 ќе му посвети тричасовна емисија на овој извонреден музичар, кој со својот чудесен и мистериозен глас ги оставаше луѓето без здив. Покрај музиката од опусот на Buckley, ќе биде раскажана неговата животна приказна, а ќе бидат презентирани и неколку ексклузивни изјави, меѓу кои изјавата на неговата мајка Mary Guibert, како и на неговите најблиски соработници и пријатели. Со овој трибјут, Македонија се приклучува кон светското одбележување (www.jeffbuckley.com) на десет-годишнината од прераната смрт на овој американски музичар со „ѓонови од ветар“, кој беше и остана вечна инспирација на многу светски етаблирани музички имиња како: Cocteau Twins, Chris Cornell, Nathan Larson, PJ Harvey, Radiohead, Antony And The Johnsons... Слушајте Crossroads, во вторник во 16 часот.
Постирано: 25 мај 2007

MADCHESTER CALLING
Манчестер викенд на Канал 103

Уште еден подарок за слушателите на Стотројка - многу музика и муабети за подемите и падовите на indie сцената и clubbing-от во Европа. Викенд посветен на градот што текстилната индустрија ја замени со многу музика и фудбал, му даде душа на clubbing-от, се зарази од xtc еуфоријата, направи ѕвезди од dj-ите и ги замени лепливите теписи на британските клубови со вистински подиуми за танц. Шизофреничен концепт за музичко и говорно разгледување: Faces - Tony Wilson, Ian Curtis, Mark E. Smith, браќата Ryder, Bernard Sumner, Peter Hook, Morrissey, Ian Brown, Pete Shelley, Johnny Mar, Mark Pickering, Martin Hannet, Michael Winterbottom, Steve Coogan...... и секако BEZ!
Places - згоди и незгоди од Factory, Hacienda, Boardwalk, Manchester Apollo, Manchester Academy, МАN Arena... и многу други наспроти оние скопските клубови и „арени“.
Ако се прашувате зошто...
ХАЦИЕНДА - 25 години од отворањето и 10 години од нејзиното затворање
IAN CURTIS - 27 години од неговата смрт
TONY WILSON (Granada TV и Factory Records) - морална поддршка низ етер за побрзо оздравување на господинот што имаше голем удел во сето ова и главната фаца во 24-Hour Party People
+ Филмски финиш на викендот - "24-Hour Party People" во целост во аудио варијанта - локумче за сите пливачи низ немирните 103 бранови
Turn on, tune in, and cop out...
2 x 24 СААТИ ЖУРКА
Постирано: 16 мај 2007

Албумско деби на
Пиколомини и Стотројка !

Одбележувањето на 16-тиот роденден на Музичкото радио - Канал 103 оваа година ќе биде во знакот на првото албумско издание на СТОТРОЈКА. Се работи за деби албумот на скопскиот артист Пиколомини под наслов "From Subway to My Way". Официјалната промоција на албумот е закажана за петок, 27. април, во 13 часот во Мала Станица. Роденденскиот 103‑викенд продолжува истата вечер во клубот Кастро, со концертот на PMG Kolektiv, Bernays Propaganda и женскиот состав Вивид. Во сабота и недела на брановите на Канал 103 ќе се одвива специјална програма со која ќе се одбележат 16-те години постоење и опстанок. Продолжениот 103 викенд ќе кулминира во понеделник вечер во ноќниот клуб Сектор 909 со голема журка на која на два подиума музика ќе пуштаат диџеите на Канал 103. Двоен повод за славење: Слатките 16 и се разбира, "From Subway To My Way", долгоочекуваното првенче на Пиколомини и Стотројка.
Постирано: 26 април 2007

Реприза на концертот на Т.Б. Трачери на Стотројка

На барање на слушател(к)ите, ќе го репризираме минатонеделниот одличен концерт на Т.Б. Трачери на брановите на Канал 103. Емитувањето на репризата е ќе се случи во недела (29 април) во 22 часот, како своевидно финале на специјалната програма по повод 16-тиот роденден на Канал 103.

Постирано: 26 април 2007

Т.Б. Трачери во живо на Стотројка (Недела, 22-ри април. 22:00, во „Тажен и прекрасен свет“)
Музичкото радио Канал 103 со нескриено задоволство го најавува враќањето на еден од највозбудливите и најпопуларни македонски рокенрол состави во изминатите десетина години.

Т.Б. Трачери ќе го прекинат “молкот“ кој трае речиси две години со жив настап на 103-тата фреквенција. Кирчо Арсовски (гитара, вокал), Кирил Арсов (бас), Ивица Димитриевиќ (гитара) и Андреј Анастасов (тапани) ќе отсвират дел од добропознатиот материјал на Т.Б. Трачери, а се очекува Кирчо Арсовски во соло изведба да претстави нови и досега необјавени песни.

Настапот на Т.Б. Трачери е 17-ти по ред во серијалот на радио концерти кои се емитуваат во живо од студиото на Канал 103, а чија основна цел е промовирање и поддршка на македонската музичка сцена.

Постирано: 17 април 2007

Конструктор - Фестивал на урбани уметности (17-22 април 2007) За повеќе кликни тука
Постирано: 11 април 2007

Tiny Noise Festival pt. 4

Tiny noise festival е колаборативен и номадски музички фестивал замислен од тони (Скопје) и kyd (Монтреал) во февруари 2006. Стартуваше спонтано, како d.i.y. експеримент и обид да се проследи каква глобална мрежа може да се воспостави со употреба на алатките за глобална комуникација како и со личните мрежи и искуство. Идејата е да ја рашири и поврзе новата и авантуристичка музика на различни места, во различни периоди и со различни артисти. Tiny Noise Festival, по втор пат во Скопје, овојпат организиран од Line I+M и acid fake recordings, во овој дел ги презентира: Eric Boros (ca), Cities in desolation (gr/ch), Јаболко за даскалот (mk) и Every kid on speed (mk). Во сабота (7 април 2007) во клубот Кастро. Старт: 20:00 часот
Постирано: 05 април 2007

Канон во живо на Стотројка

Во недела (01 април) во 22 часот, во емисијата „Тажен и прекрасен свет“ на брановите на Канал 103, ќе настапи скопската реге дружина КАНОН. На македонската музичка сцена опстојуваат седум години, најпрвин како хард-кор/панк состав, за подоцна целосно да му се посветат на реге звукот. Од јавните настапи ги издвојуваат учеството на реге-фестивалот во Софија (Бугарија), настапот на популарната „Школка“ во Градскиот парк во Скопје на манифестацијата Tribute to Bob Marley, потоа во улога на домашна поддршка на концертот на Straight Jackin во МКЦ, како и уште неколку настапи во клубовите во Скопје и Куманово. Сегашната постава ја сочинуваат Круно (вокал), Кришо (гитара), Божо (перкусии и атмосфера), Мусо (бас), Џони (тапани), Сандра (придружен вокал), Чавка (труба) и Зуро (гитара). Нивниот прв сингл „Излези“, што го подготвуваат во студиото на E Go East Records, претставува најава за деби албумот „Глобално засмејување“.
Постирано: 29 март 2007

Баклава во живо на Канал 103

Во недела, 04-ти март, во емисијата „Тажен и прекрасен свет“ на Канал 103, ќе настапи скопската група БАКЛАВА. Во оваа прилика тие ќе се претстават со материјалот од нивниот деби албум, објавен кон крајот на 2006-та година, но и со некои нови авторски и традиционални теми, во малку изменета постава: Елена Христова (вокал, дајре, кавал), Никола Николов (тамбура), Марјан Милошевски (фагот), Владимир Мартиновски (тамбура, кавал), Дејан Сибиновски (деф). На овој начин БАКЛАВА ќе го промовираат во живо не само својот прв и единствен албум, туку и новиот звук на групата. Концертот започнува во 22 часот на добропознатата фреквенција на Стотројка, а скопското радио Равел (96 FM) ќе врши директен пренос.
Постирано: 23 февруари 2007

Crossroads слави 500 емитувања

Постирано: 18 февруари 2007

Bei The Fish live @ 103 fm

Сосема свежи, но рака на срце не и најпријатни, ни се сеќавањата од минатата среда (7 февруари), кога во клубот Сектор, Bei The Fish го промовираа своето албумско првенче "Look Up". Голема гужва, галама, несоодветен амбиент, симболична влезница... Поплавата од мрчење (скопски специјалитет бр. 1) ја засени извонредно суптилната, речиси боса-нова изведба на старите и новите композиции на Окац и компанија. Еве шанса за поправен. Овојпат во далеку поинтимна атмосфера, во културен амбиент, во адекватен термин, Bei The Fish ќе го претстават својот деби албум во живо. Оваа недела, во 22 часот, во емисијата „Тажен и прекрасен свет“. Бидете присутни! На брановите на Канал 103, се разбира.
Постирано: 12 февруари 2007

Неле К во живо на Канал 103

Стотројка повторно напаѓа. Овојпат со концерт на еден од најталентираните протагоности на новиот македонски рокенрол бран - Неле К. Неговата „Евтин автомобил“ се најде на второто место на листата на најдобри домашни синглови во 2006-та според Канал 103. Неле К, познат и како Нелетронски Гуру, заедно со својот бенд, ќе се претстави во живо во недела (4. февруари) во 22 часот, во стандардниот термин на емисијата „Тажен и прекрасен свет“ на Ѓорѓи Јаневски.
Постирано: 29 јануари 2007

Канал 103 ги избра најдобрите МК албуми и синглови во 2006 година
 

2. NELE K. - Евтин автомобил
3. SPECIAL PEOPLE CLUB - Лица во огледало
4. PMG KOLEKTIV - Манекенки
5. ROBOTEK - Loop The Time
6. AL THE PAL vs. BEI THE FISH - What Are You Fighting For?
7. MOOGER FOOGER - Gavrilo print.zip
8. ROBOTEK - Somewhere Good
9. OLIVER'S GEISHA - Flower
10. ДУШКО ЈАНЕВСКИ - Sunshine
11. BEI THE FISH - Bare Naked
12. ROBOTEK - Napred
13. ДА ЏАКА НАКОТ - Ебате животот
13. ДУШКО ЈАНЕВСКИ - Daydreaming
15. AUTMIND - Autmind
16. STRING FORCES - Илјада бои
17. PMG KOLEKTIV - Туѓа приказна
18. MOOGER FOOGER - Comps
19. KLO - Cry For The Moon
20. ДА ЏАКА НАКОТ - 2+2=5
 Постирано: 24 јануари 2007

Лансирање на Конструктор
Конструктор ви го најавува првиот настан за оваа година наречен “Отворање на лабораторијата „Конструктор” на 27 јануари 2007 во галеријата на МКЦ. Ќе бидат промовирани нови видео арт дела на нашиот слободен уметник, видео артист, графички дизајнер и VJ, Горан Костовски - Ind O.G. (independent of gravity) наречени “Сепарација помеѓу”, по кои ќе следува и негов VJ сет, придружен со експериментална и deep d’n’b музика на Every Kid on Speed, HyperTech и Дарко Степиќ. Воедно ќе биде промовирана и програмата која Конструктор како организација ќе ја реализира оваа година. Старт: 21:00. Влезот е слободен.
Постирано: 24 јануари 2007

Македонски викенд - 3
Само две недели по викендот посветен на David Bowie, Стотројка планира уште еден, трет во низата македонски викенди. На 20. и 21. јануари (сабота и недела) на добропознатата фреквенција на Канал 103 ќе се слуша исклучиво македонска музика, проследена со разговори и дебати од студиото, а музичките соработници на Канал 103 оваа прилика ќе ја искористат за да ги изберат најдобриот македонски албум и сингл во 2006-та. Третата етапа од македонскиот музички маратон на Стотројка ќе биде заокружена со настап во живо на составот PMG Collective (недела, 21. јануари, 22 часот).
 Постирано: 11 јануари 2007

David Bowie викенд на Канал 103
Стотројка ја стартува новата година со тематски викенд посветен на една од најголемите поп икони на нашето време - David Bowie. Во сабота и недела (6 + 7 јануари) ќе имате прилика да слушате специјална програма во живо и да се потсетите на најзначајните, најинтересните и највозбудливите моменти и трансформации во кариерата на овој музички великан, илустрирана со еден куп информации, музика, и разговори од студиото. Стотројкашкиот трибјут на David Bowie, во чест на неговиот 60-ти роденден, ќе кулминира во недела, во 22 часот, со концертно претставување на проектот DAVY THE BOWIE + ПАДНАТИТЕ ОД МАРС на групата Фолтин.
 Постирано: 3 јануари 2006

"Whatever People Say...." на Arctic Monkeys - албум на годината на Канал 103
1. ARCTIC MONKEYS - Whatever People Say I Am That’s What I’m Not
2. RADIO 4 - Enemies Like This
3. SONIC YOUTH - Rather Ripped
4. THE GLASS - The Glass
5. KOOP - Koop Islands
6. ROBOTEK - Mini
7. JUNIOR BOYS - So This Is Goodbye
8. BELLE AND SEBASTIAN - The Life Pursuit
9. HOT CHIP - The Warning
10. THOM YORKE - Eraser
11. TIGA - Sexor
12. MOOGER FOOGER - Mooger Fooger 2
13. PHOENIX - It's Never Been Like That
14. CLAP YOUR HANDS SAY YEAH - Clap Your Hands Say Yeah
15. BONNIE 'PRINCE' BILLY - The Letting Go
16. CAT POWER - The Greatest
17. THE KNIFE - Silent Shout
18. NOUVELLE VAGUE - Bande A Part
19. LCD SOUNDSYSTEM - 45:33
20. FUJIYA & MIYAGI - Transparent Things
 Постирано: 29 декември 2006

Александар Петров во живо на Канал 103
На 25 декември (понеделник), на брановите на Канал 103, во редовниот термин на емисијата Replay на Ѓорѓи Митревски, со почеток во 22 часот, ќе настапи во живо македонскиот перкусионист и композитор - Александар Петров, заедно со уште двајца добро познати македонски музичари и автори - Оливер Јосифовски (Љубојна) на бас и Џијан Емин (Проект Жлуст) на клавијатури, електроника и хорна. Тројката ќе изведува авторска музика.
 Постирано: 23 декември 2006

Канал 103 избира албум на годината
Секоја година, традиционално, кон крајот на декември, во редовите на Музичкото радио - Канал 103 владее необична возбуда и неизвесност - кој ли ќе биде албум на годината? Годинешниот избор на најдобрите албумски остварувања во 2006-та ќе се случи во недела (24 декември), со почеток во 16 часот, во вид на специјална програма во живо во која музичките соработници на Стотројка ќе си ги претстават своите годишни албумски листи, за да на крајот, сето тоа кулминира со прогласување на АЛБУМОТ НА ГОДИНАТА на Канал 103.
 Постирано: 21 декември 2006

Концерт на Јордан Костов во Replay на Канал 103
Во понеделник (18 декември) во 22 часот, во редовниот термин на емисијата REPLAY на 103-ка, ќе се претстави во живо  еден од најинвентивните македонски фисхармоника инструменталисти Јордан Костов. Авторската музика на Јордан Костов многу суптилно гравитира околу неколку различни музички образци: македонска народна музика, танго и модерен џез, постигнувајќи на тој начин една вистинска world music фузија. Во понеделник, Костов ќе настапи со својот квартет, во кој, покрај него,членуваат уште тројца млади музичари: Пере Мелов - труба, Фазли С. - кларинет и Илија Јанчев - виолина.
 Постирано: 16 декември 2006

Настап на ЛЕГИЈАТА во клубот Кастро
Постирано: 11 декември 2006

ЛЕТЕЧКИ ПЕКИНЕЗЕРИ во живо на Стотројка
Во недела (10 декември), во емисијата „Тажен и прекрасен свет“ на Канал 103, во живо ќе се претстават ЛЕТЕЧКИ ПЕКИНЕЗЕРИ. Оваа млада, талентирана и весела џез дружина ја сочинуваат: Бојан Петков (гитара), Иво Солдатовиќ (кларинет), Кирил Туфекџиевски (контрабас) и Милан Димушевски (тапани). Концертот ќе го пренесува и Радио Равел.
Почеток: 22:00.
Постирано: 7 декември 2006

Промовиран „Биомеханика“, новиот албум на ДА ЏАКА НАКОТ
На 2 декември (сабота), во клубот „Лудница“ се одржа промоција на новиот албум на Да Џака Накот. Распореден на 2 CD-а, спакуван како филмско DVD изданиe, „Биомеханика“ претставува трет студиски проект на најпродуктивниот македонски хип-хоп артист на сите времиња. Постирано: 4 декември 2006

Scott Kettner & Clay Ross
во живо на 103-ка
Во понеделник (27 ноември), со почеток во 22 часот, во емисијата Replay на Ѓорѓи Митревски, на Стотројка, ќе настапи американското џез дуо Scott Kettner (percussion) и Clay Ross (guitar). Настапот на овој дует во Македонија е дел од нивната музичка посета на Балканот која ги опфаќа Косово, Грција и Турција. Постирано: 26 ноември 2006

Течна кујна - 150 изданија

Постирано: 25 ноември 2006

103 PARTY @ PAPAYA
По подолга пауза, 103 журка на два подиума ! Диџеите на Стотројка, во одлична форма, заедно, на едно место, во мисија: задоволување на вашиот изострен музички вкус и, се разбира, вашата непресушна желба за танц. Петок, 24 ноември, клуб Папаја. Старт: 23:00. Влез: 100 денари.
Постирано: 24 ноември 2006

Георги Шарески 4-ет: live@103fm
Во понеделник (13 ноември) во 22 часот, на брановите на Музичкото радио - Канал 103, во емисијата "Replay" на Ѓорѓи Митревски, концерт ќе одржи Георги Шарески со својот квартет:
Георги Шарески - електр. гитара
Џијан Емин - клавијатури, хорна, мелодион, електроника
Оливер Јосифовски - контрабас
Гоце Стефковски - тапани
Постирано: 11 ноември 2006

Љубојна live @ Канал 103
Македонскиот состав Љубојна ќе настапи во живо на брановите на Канал 103. Концертот ќе се случи во понеделник (6. ноември), со почеток во 22 часот, во емисијата Replay на Ѓорѓи Митревски. Групата ќе настапи во една нова четиричлена постава:
Вера Милошевска - вокал
Петар Христов - кларинет
Бојан Петков - електрична гитара
Оливер Јосифовски - контрабас
Постирано: 04 ноември 2006

STRING FORCES во живо на Стотројка

По серијата концертни настапи на бранова должина 103 FM, во која учествуваа Дени те чува, Winona Riders, One Of Us, Дина, KLO, Јаков Дренковски, Mooger Fooger, Project Zlust... оваа недела, 5 ноември, во рамките на емисијата „Тажен и прекрасен свет“, свој настап ќе имаат String Forces. Концертот ќе го пренесува и скопското радио Равел (96 FM). Почеток: 22:00.
Постирано: 03 ноември 2006

Настап во живо на DAVID POTAUX-RAZEL QUARTET
Во понеделник,на 23 октомври 2006 во 00:00 часот во живо на брановите на Канал 103 ќе настапи DAVID POTAUX-RAZEL QUARTET од Франција.
Постирано: 21 октомври 2006

PMG recordings презентрира Зависна листа.мк Нов бран 2
Во сабота 21 октомври во клубот „Сектор 909“ со настапи во живо на String forces, Pmg колектив и Поган Паган и DJ сетови на момците од ПМГ ќе биде промовирано новото компилациско ЦД „Зависна листа Нов бран 2“. Почеток 22:00 часот. Влез: 100-че, а после 23:00 150-че.
Постирано: 16 октомври 2006

Новиот почеток го промовираат својот деби албум
Промоција на првиот албум на Новиот почеток “Еволуцијата би требало да започне сега...” промотивно поддржани од Кумановските Endless Effort. 21 Октомври 2006 (Сабота). Локација: клуб Кастро. Влезот + Албумот:150 денари. www.noviotpochetok.com
Постирано: 15 октомври 2006

Масакар во царството на развратот - Петак 13

Кликни на флаерот
Постирано: 9 октомври 2006

ВО ПРОДАЖБА ВЛЕЗНИЦИТЕ ЗА СКОПЈЕ ЏЕЗ ФЕСТИВАЛ 2006
Билетите за годинешното 25-то издание на СКОПЈЕ ЏЕЗ ФЕСТИВАЛ се пуштени во продажба во: Универзалната сала, Југотон и Чув де чув. Еве го ценовникот:

19.10. клуб Хард Рок 24:00
FESTIVAL OPENING DANCE PARTY
DZIHAN & KAMIEN (dj set) vво претпродажба: 250 / на врата: 300 ден.


20.10. Универзална сала 20:30
ANDY BEY QUARTET 600 ден.
клуб Хард Рок 00:30
WIBUTEE 200 ден.

21.10.
Универзална сала 20:30
VINICIUS CANTUARIA
JOAO BOSCO/GONZALO RUBALCABA GROUP 800 ден.
клуб Хард Рок 00:30
STEFANO DI BATTISTA QUARTET 200 ден.

22.10.
Универзална сала 20:30
BENJAMIN HERMAN QUARTET
e.s.t. ESBJORN SVENSSON TRIO 600 ден.
клуб Хард Рок 00:30
RUDI BERGER AND THE THREE WORLD BAND 200 ден.

23.10.
Универзална сала 20:30
ORNETTE COLEMAN QUARTET 1000 ден.

Комплет влезници за сите вечери 2.200 ден. (само за концертите во Универзална сала)www.skopjejazzfest.com.mk
Постирано: 9 октомври 2006

Mакедонски џез ноќи
По повод 25 годишнината од најеминентната културна манифестација во земјава Скопскиот Џез Фестивал,  овој и идниот викенд во арт кафе Мала станица ќе се
одржат Македонските џез ноќи.  На 6 октомври настапува Ѓорѓи  Шаревски квартет, на 7-ми Проект Жлуст, на 13ти- настапува Тони Китановски квартет, а пак на 14-ти октомври настапуваат Сетстат. Влесот е слободен. www.skopjejazzfest.com.mk
Постирано: 6 октомври 2006

Тазе Шведски хардкор панк во недела
Во рамките на нивната турнеја, Шведскиот метал/хардкор панк бенд Arcatera поминува и низ нашата вукојебина, овај велелепна европска метропола. Локална подршка This home is prepared. Дата: 1 октомври, локација: the Club, почеток: 20:00 часот.
Постирано: 28 септември 2006

ПРОЕКТ ЖЛУСТ во живо на канал 103!!
Продолжува серијата радио концерти на бранова должина 103 фм. Оваа недела, 1 октомври, во рамки на емисијата "Тажен и Прекрасен Свет" во 22:00 часот, свој настап ќе имаат Проект Жлуст.
Постирано: 28 септември 2006

Музички фестивал на независна музика на Школка, Градски Парк Скопје
Плагиј.ат трнс 1
Место на случување: Школка, Градски Парк-Скопје
Датум: 30.08.2006
Време: 16-24 часот
Програма:
Victim Yield, Новиот Почеток, Ристо Гушиќ, Вивид, White Noise in a White Room, Sidewalk, Two Sides, Mooger Fooger, SunS. ПовеЌе за овој настан во делот Пишан збор.
Постирано: 15 август2006

Coca-Cola soundwave оваа година во Скопје
Овогодишниот Coca-Cola soundwave фестивал ќе се одржи во Скопје на стадионот на АРМ на Денот на независноста, 8 септември. Хедлајнери оваа година се ирците Threapy?, французите Rinocerose, DJ-ите Jeff Miлls и Satoshi Tomiie, на транс сцената како главен артист најавен е Hallucinogen. На фестивалот ќе настапат и домашни бендови и изведувачи меѓу кои се Фолтин , Мирко Попов, Бушава азбука, Роботек и други.www.soundwave.com.mk
Постирано: 27 јули 2006

Ексклузивно интервју со Питер Хук, басистот на Њу ордер
Како што беше најавено во минатиот број на Ритам, на канал103.ком.мк е постирано целосното интервју со Питер Хук кое производ на соработката на Канал 103 и Ритам. За да го прочитате ова одлично интервју кликнете овде или на фотографијата. Интервјуто подоцна ќе биде префрлено во рубриката Пишан збор.
Постирано: 7 јули 2006

Mирко Попов и Дарко Јорданов настапуваат на Masters of Sound 2
Во петок на 30. јуни 2006, со почеток во 22 часот на Скопското лизгалиште со свој DJ сет гостуваат Peter Hook [New order] и Layo & Bushwackа од Лондон. На Masters of Sound 2 ќе настапат и DJ-ите на PMG: Мирко Попов, Дарко Јорданов и уште неколку домашни DJ-и.
Постирано: 27 јуни 2006

Поинт Бленк подготвени за настапот со Deftones
Во недела на 25. јуни 2006. година Поинт Бленк ќе бидат дел од Rock your mind фестивалот кој втор пат ќе се одржи во Букурешт, Романија. Поинт бленк настапуваат токму пред Deftones на Аренале Романе, која има капацитет од  5000 посетители.
Еден ден предходно, Поинт бленк ќе имаатхедлајн настап во софискиот клуб О!шипка. www.pointblank.com.mk
Постирано: 19 јуни 2006

Презентација на мултимедијална инсталација на Vincent Goudard
На 15 јуни со почеток во 21 часот во клубот Лудница, францускиот мултимедијален уметник Vincent Goudard ќе ја претстави интерактивната инсталација наречена “Dessine moi un mond “ . Преку оваа презентација тој ќе даде преглед на можностите на употреба на Max/MSP софтверот кој го користи за создавање на оваа инсталација.
Постирано: 12 јуни 2006

Damo Suzuki во Мала станица
На 6 јуни со почеток во 21 часот во просторот на Медиум во Мала Станица ќе имате можност да го видите и чуете легендарниот музичар и некогашниот вокалист на Can, Damo Suzuki во придружба на македонските бендови и артисти: White noise in a white room, One of us, Хинки, Гоце Наумов, Владош Рибски, Нора и д-р Маслин. Влезот е слободен. Бујрум...
Постирано: 2 јуни 2006

Хардкор панк концерт на американците I Object!
Во рамките на нивната Европска турнеја на која го промовираат нивниот албум Teaching revengе издаден од култната издавачка куќа од Сан Франциско, Alternative tentacles, Американците I object! на 7-ми јуни ќе настапат во скопскиот клуб The club. Локалната подршка ќе ја добијат од Ф.П.О и Sidewalk. Не пропуштајте!!!
Постирано: 30 мај 2006

ДЕНИ ТЕ ЧУВА live @ Kanal 103

Во седмото продолжение на акустичните сесии на Канал 103 во рамките на емисијата „Тажен и прекрасен свет“, оваа недела (21 мај), со почеток во 22 часот ќе се претстават ДЕНИ ТЕ ЧУВА. Ќе настапат во полн состав, а ќе отсвират и дел од новиот дисторзиран албум кој е во подготовка.
Постирано: 16 мај 2006

Skopje Jazz Festival ви претставува: OFF FEST 2006
Програма:
7-ми јуни:
DESERT BLUES
Tartitt / Afel Bocoum / Habib Koite (Africa)
- Универзална сала -

9-ти јуни:
CIBELLE (Brazil)
LOS DE ABAJO (Mexico)
LEE 'SCRATCH' PERRY (Jamaica)
- Универзална сала -

11-ти јуни:
MASSIVE ATTACK (UK)
- Скопски саем (хала 1) -

Повеќе за Фестивалот на www.offest.com.mk

Постирано: 13 мај 2006

Продолжува клупската хардкор панк сезона
На 4-ти јуни во тетовскиот клуб Rock Cafe настапува американскиот ска/трампет панк состав La Plebe со локална поддршка од скопскиот панк рок состав Sidewalk, истата екипа (La Plebe/Sidewalk) настапува во Дом на млади во Штип на 8 јуни, на 7-ми јуни во скопскиот клуб the Club настапуваат американците I Object! со локална поддршка на скопскиот стрејт еџ/ анархо панк бенд F.P.O. и повторно скопските панк рокери Sidewalk.
Променето: 16-ти мај 2006

ПРОДАДЕНИ РЕКОРДНИ 1280 ВЛЕЗНИЦИ ЗА КОНЦЕРТОТ НА МАСИВ АТАК ВО САМО ЕДЕН ДЕН
Во првиот ден од продажбата на влезниците за концертот на Масив Атак што ќе се одржи на 11 јуни во Скопје, се продадени 1280 влезници што претставува апсолутен рекорд кога е во прашање продажбата на билетите за концерти во Македонија. Со ова е срушен досегашниот македонски рекорд од 911 продадени влезници постигнат во првиот ден од продажбата за концертот на Крафтверк минатата година во Скопје.
Постирано: 12-ти мај 2006

ВО ЧЕТВРТОК СТАРТУВА ПРОДАЖБАТА НА ВЛЕЗНИЦИТЕ ЗА КОНЦЕРТОТ НА МАСИВ АТАК !
На 11-ти мај (четврток) ќе започне продажбата на влезниците за концертот на МАСИВ АТАК, што ќе се одржи на 11-ти јуни во Хала 1 на Скопскиот саем. Цените на влезниците се движат од 800 до 1200 денари:
11 мај (хепи деј!) 800 ден.
12 мај - 8 јуни 1000 ден.
9 - 11 јуни 1200 ден.
Влезниците ќе може да се купат во музичките продавници "Југотон" и "Чув де чув". Нивниот број е строго ограничен.
Постирано: 8 мај 2006

Nothing is ever as it used to be на американскиот мулти медијален уметник massaccesi
Во организација на Line initiative and movement и acid fake recordings од 22 до 24 април 2006 во клубот Лудница ќе се одржат два настани, а паралелно со нив ќе биде поставена и инсталација во еден дел од клубот. На 23 април во 21:00 часот, во живо ќе се претстави Massaccesi (САД), со подршка од Еvery kyd on speed. Утредента, на 24.04.2006, со почеток во 12:00 часот. Massaccesi ќе оддржи работилница за рециклирање.
Постирано: 21 април 2006

Mooger Fooger 2
Mooger Fooger го најавија излегувањето на својот втор студиски албум - Mooger Fooger 2. Продолжението на успешното ланско долгосвиречко деби на новите домашни гитарски херои, ќе се појави под етикетата на PMG Recordings . Албумот, дело на Сецко и на пријателите, содржи 14 нови композиции меѓу кои и синглот " Гаврило Принцип " . Mooger Fooger 2 својата официјална промоција ќе ја доживее наскоро со свирка во живо.
Постирано: 19 април 2006

Априлска хардкор концертна сезона
На 21-ви април во клубот Life, Bill skins fifth ќе го промовираат својот прв албум истоимен како и бендот, гости ќе им бидат српскиот бенд Unison. На 24-ти април во МКЦ настапуваат њујоршките хардкор панк легенди Sick of it all. На 25 април во The club, настапуваат Hocu? Necu! од Србија, Ristisato и локалната поддржка Alternation.
Постирано: 15 април 2006

КЛО акустично на Канал 103
Продолжува акустичната серија на бранова должина 103. По настапите на Wynnona Ryders, One Of Us, Дина, Mooger Fooger и Јаков Дренковски, Канал 103 има особено задоволство да ве покани на радио rendez-vous со КЛО: недела 9-ти април, 22:00, во емисијата Тажен и прекрасен свет. КЛО се: Деан Змејковски (гитара) и Соња Димитриоска (вокал, флејта). Во овој нивен прв концертен излет ќе им се придружи Александар Ников на гитара. Звукот на КЛО се темели на комплексни гитарски текстури и интроспективен и етеричен вокал: тивка и суптилна меланхолија од спалната соба. Не пропуштајте!!!
Постирано: 06 април 2006

Аcid fake recrodings промовира свој нов проект:

На 8 април, сабота во клубот Лудница се случува промоција на интернет-етикетата Discofake со настап во живо и ди-џеј сет на Luken ( kupei musika, САД ) и локална подршка на Every kid on Speed и ви-џеј-от Марија.

Постирано: 07 април 2006

Blue room во живо во Мала станица
LOUNGE TIME во Мала станица секој петок со Marski music од емисијата Blue room (секоја Недела од 20:00 на Канал 103) .
Постирано: 1 април 2006

FPO промовираат ново CD
На 8 април во клубот на радиото Лајф FPO ќе се претстават во живо, промовирајќи го материјалот од новното CD со наслов „Знам дека ја губам битката“ и материјалот од сплит плочата со бендот Seein' red. Почеток 21 часот.
Поостирано: 1 април 2006

Случувања на хардкор концертната сцена На 26 март настапуваат хрватите Nulla Osta, словенците Drek V Pesk и скопјаните This home is prepared, а на 27 март ќе настапат германците Allee der Kosmonauten со локална подршка од Лелек. Двете свирки се во клубот Вулкан и започнуваат во 21 00 часот.
Постирано: 17 март 2006

Acid Fake celebration event:
Во сабота на 18 март во клубот Лудница ќе настапат Tomos Automatik и Нора во живо, а Every kid with discopig ќе се претстави со ди-џеј сет. Настанот ќе започне во 21 и 30 часот.
Постирано: 17 март 2006

Продолжува мартовската концертна сезона
На 9 март во Вулкан настапуваат Aмеркaнците Asschapel со локална поддршка на Bill skins fifth и Mindfist, на 11 март, пак, во клубот на радиото Лајф настапуваат хрватите Panaceja, со поддршка на скопските трешкорци Speak our minds. На 24 април во Скопје доаѓаат њујоршките хард кор легенди SICK OF IT ALL. (наскоро со подетални информации околу овој концерт).
Постирано: 03 март 2006

Македонски викенд 2 на Канал 103
Овој викенд, од 3-ти до 5-ти март започнува вторoто продолжение на Македонскиот викенд кој што ќе содржи претставување на македонските музичари од помладата и од постарата генерација, сето ова ќе биде проследено со интервјуа, разговори и настапи во живо. Кулминација на Македонскиот викенд ќе биде акустичниот концерт на Јаков Дренковски во емисијата Тажен и прекрасен свет (недела од 22:00 до 24:00 часот )
Постирано: 02 март 2006

Почеток на мартовската концертна сезона
Во сабота, 4 март во клубот Лајф ќе настапи скопскиот состав Two sides . По овој концерт бендот заминува на европска турнеја. Како гости на овој концерт ќе настапат штотуку реформираните Sidewalk.
Постирано: 02 март 2006

Десет години сматовска хардкор агресија
Скопскиот харкор состав Smut на 25 јануари во Дансинг салата во МКЦ го прославува својот десетти роденден. На концертот како гости ќе се појават скоро сите некогашни членови на бендот, а според извори од Smut на свирката ќе има и други изненадувања...
Постирано : 20 февруари 2006

Подари му ново лого на твоето омилено радио
Ова е едниствениот подарок што Канал 103 го бара за својот 15-ти роденден, предлозите праќајте ги на и-мејл адресата info@kanal103.com.mk
Постирано: 2 февруари 2006

02 февруари 2006
Во петок редовна PMG журка во клубот Папаја, во сабота во организација на Офпоп, Electro shock во The Club, редовна екипа + ди џеј сет на Роботек.

02 февруари 2006
Во петок редовна PMG журка во клубот Папаја, во сабота во организација на Офпоп, Electro shock во The Club, редовна екипа + ди џеј сет на Роботек.

30 Јануари 2006
Аcid fake recrodings ви претставува:
"Тiny noise festival" со Јustice Yeldham and the dynamic ribbon device
+
-Every kid on speed + Maria (mk; во живо + видеоарт)
-Vancheck kkost (mk; во живо )
-Indog (mk; visuals + изложба)
дата: 31 јануари 2006 во 20:00 часот
локација: Културен центар Точка

  21 Јануари 2006
Редовна PMG журка во клубот Папаја, петок 27 јануари, овојпат како DJ настапува добропознатиот Роботек .

20 Јануари 2006
Offpop ви претставува : "Electro shock night" со ди-џејите: Toni, Jane i Tiric,
локација the Club, сабота 21 јануари во 22 часот.

17 Јануари 2006
Поинт Бленк ќе го промовираат своетопрво студиско издание Dirty Queen. Промотивниот концерт ѓе се случи во МКЦ а како гости на бендот ќе настапат Bill Skins Fifth и Endelеss effort. Влезницата чини 150 денари.point-blank@on.net.mk

16 Јануари 2006
Пиколомини и Роботек меѓу најдобрите десет на Crossradio



1. NS - OBOJENI PROGRAM - Let's go
2. LJ - THE STROJ - Metal On Metal
3. BG - RAMBO AMADEUS - Komedija Tragedija Drama
4. SA - LETU STUKE - Sunce (featuring Rundek Cargo Orkestar )
5. MO - >VUNENY - Movement
6. SK - PIKOLOMINI - I Am The Fly
7. LJ - N'TOKO - Slovenec sem
8. SA - DISCIPLINSKA KOMISIJA - Hajmo Ruuit
9. SK - ROBOTEK - John Wayne
10. BG - KANDA KODDA I NEBOJSA - Kad ozivimo
Повеќе...

12 Јануари 2006
Петнаесет години Стотројка Култното македонско радио "Канал 103" овој викенд ќе почне со славење на петнаесегодишнината од своето постоење. Веќе во петок, 13 јаунари, Радиото избира македонски сингл и албум на годината во клубот "Папаја", во организација на Радиото ќе се одржи журка со диџеите на Стотројка."Во сабота и недела на брановите на Радиото ќе пушта македонска музика, а како врв на почетокот на петнаесеттиот роденден на стотројка е анплагт настапот на скопскиот рокенрол состав Мугер Фугер во емисијата "Тажен и прекрасен свет" на Ѓорѓи Јаневски, што се емитува во недела во терминот од 22 часот до полноќ, вели уредникот на Стотројка Костадин Шурбановски. Повеќе...

12 Јануари 2006
Конечно скопските easy listening music фанови ќе можат да уживаат во саботниот мамуркак на раат. Ноис поезија (емисија посветена на музика која го избегнува грдиот стреотип на емотивна плиткост и интелектуална ретардираност наметнат од модерната музичка индустрија) која што има термин во сабота од 18:00 до 20:00 по последен пат се емитуваше во овој термин на 7 јануари. Новиот термин на емисијата е секој четврток од 21:00 до 23:00. www.noisepoetry.co.sr

Најдобрите албуми во 2005 според Канал 103.


1 LCD SOUNDSYSTEM - LCD Soundsystem
2 NINE HORSES - Snow Borne Sorrow
3 THE RAKES - Capture/Release
4 FISCHERSPOONER - Odyssey
5 BLOC PARTY - Silent Alarm
6 DOMINIQUE - The Lost Tracks Pt. 3 (Speak To Me)
7 SMOG - A River Ain't Too Much To Love
8 RICHARD HAWLEY - Coles Corner
9 ANTONY & THE JOHNSONS - I Am A Bird Now
= AGF/DELAY - Explode
10 VARIOUS ARTISTS - zavisnalista.mk: nov bran
= PERNICE BROTHERS - Discover A Lovelier You
11 APSURT - Quattro
12 NEW ORDER - Waiting For The Sirens' Call
13 MOOGER FOOGER - Mooger Fooger
14 THE JUAN MACLEAN - Less Than Human
15 JAMIE LIDELL - Multiply
= TK.SK. - Skopje od predhodniot den